• ३० चैत्र २०८०, शुक्रबार
  •      Fri Apr 12 2024
  •   Unicode
Logo
Latest
★   वर्षान्त २०८०: विद्यालय शिक्षा विधेयकले तताएको वर्ष ★   सुनकोसी मरिण डाइभर्सन: वैशाख २६ गते ब्रेक थ्रुको तयारी ★   लुम्बिनीका मुख्यमन्त्री महराले पाए विश्वासको मत ★   मलेसियाविरुद्ध नेपालले टस हार्यो, पहिला फिल्डिङ गर्दै ★   सुर्तिजन्य पदार्थलाई राजश्वको आम्दानीको बाटो बनाउनु हुँदैन: प्रमुख सचेतक बर्तौला ★   काँग्रेसले चल्न नदिएपछि संसद अन्त्य भयो: ओली ★   विसं २०८०: मेलम्ची पर्खंदै बित्यो आधा वर्ष ★   गुराँससँग रमाउन र हिमाल हेर्न घोडेपानी ★   सत्य निरूपण र बेपत्ता आयोगमा पदाधिकारी नियुक्त गर्न सिफारिस समिति गठन ★   राष्ट्रियसभा सदस्यमा अञ्जान शाक्य नियुक्त गर्न सिफारिस

आईपीएलमा आज कोलकाता र दिल्ली भिड्दै, यस्तो छ हेड-टु-हेड



एजेन्सी । इन्डियन प्रिमियर लिग (आईपीएल) को १६ औं खेलमा आज कोलकाता नाइट राइडर्स र दिल्ली क्यापिटल्स भिड्दैछन् । विशाखापट्टनमको डा वाईएस राजशेखर रेड्डी क्रिकेट स्टेडियममा हुनलागेको खेल नेपाली समयअनुसार बेलुकाको ७:४५ बजेदेखि सुरु हुनेछ ।

जारी सिजनमा आज तेस्रो खेल खेल्न लागेको कोलकाताले सुरुवाती दुवै खेल जितेको थियो । केकेआरले पहिलो खेलमा सनराइजर्स हैदरावादलाई र दोस्रो खेलमा रोयल च्यालेन्जर्स बैंग्लोरलाई हराएको थियो ।

टोलीका लागि ओपनर फिल साल्टले सर्वाधिक रन बनाएका छन् । उनले २ खेलमा ८४ रन बनाएका छन् । बलरमध्ये हर्षित रानाले सर्वाधिक ५ विकेट लिएका छन् ।

दिल्लीले जारी सिजनमा ३ खेल खेलेकोमा एकमा जित र दुई खेलमा हार बेहोरेको छ । दिल्ली पहिलो खेलमा पञ्जाब किंग्स र दोस्रो खेलमा राजस्थान रोयल्ससँग पराजित भएको थियो । टोलीले तेस्रो खेलमा चेन्नई सुपर किंग्सलाई पराजित गर्दै सिजनको पहिलो जित दर्ता गरेको थियो ।

दिल्लीका लागि ओपनर डेभिड वार्नर सर्वाधिक रन बनाएका छन् । उनले तीन खेलमा एक अर्धशतकको सहयोगमा १३० रन बनाएका छन् । खलिल अहमदले पाँच विकेट लिएका छन् ।

हेड-टु-हेड

आईपीएलमा दिल्ली र कोलकाताबीच कडा प्रतिस्पर्धा भइरहेको छ । यी दुईबीच हालसम्म कुल ३२ खेल भएका छन् जसमा कोलकाताले १६ र दिल्लीले १५ खेल जितेका छन् । दुवै टोली पहिलो पटक विशाखापट्टनममा आमनेसामने हुँदैछन् ।

कोलकाता नाइट राइडर्सको सम्भावित प्लेईङ ११:

श्रेयस अय्यर (कप्तान), वेंकटेश अय्यर, फिल साल्ट, रिंकु सिंह, सुनील नारायण, आन्द्रे रसेल, रमनदीप सिंह, मिचेल स्टार्क, अनुकुल रोय, हर्षित राना र वरुण चक्रवर्ती।
इम्पैक्ट खेलाडी: सुयश शर्मा, अङ्क्रिश रघुवंशी।

दिल्ली क्यापिटल्सको सम्भावित प्लेईङ ११:

ऋषभ पन्त (कप्तान र विकेटकीपर), डेभिड वार्नर, पृथ्वी शा, मिचेल मार्स, ट्रिस्टन स्टब्स, अक्षर पटेल, अभिषेक पोरेल, कुलदीप यादव, एनरिक नोर्त्या, खलील अहमद र मुकेश कुमार।
इम्पैक्ट प्लेयर: इशान्त शर्मा।