• ३० चैत्र २०८०, शुक्रबार
  •      Fri Apr 12 2024
  •   Unicode
Logo
Latest
★   त्रिविमा रेक्टरमा केसी र रजिष्ट्रार रिजाल नियुक्त ★   एमाले नेता तथा साहित्यकार प्रदिप नेपाल कार्यक्रमस्थलमै ढले, मध्यपुर अस्पतालमा उपचार हुँदै ★   मलेसियाले नेपाललाई दियो १४४ रनको लक्ष्य ★   भ्रष्टाचार गरेको अभियोगमा मुद्दा दायर ★   दिनेश कार्तिकलाई जिस्काउदै रोहितले भने: विश्वकप अझै बाँकी छ ★   कोटेश्वरका व्यवसायीहरुको भनाई ‘व्यवसाय पनि चलोस्, घरबेटी पनि मर्कामा नपरुन्’ ★   उपराष्ट्रपति यादवसँग पाकिस्तानका राजदूतको शिष्टाचार भेट ★   अत्यावश्यक औषधि स्वदेशमा उत्पादनका लागि प्रक्रियाअघि बढाइएको छ: उपप्रधानमन्त्री यादव ★   ‘खाद्य स्वच्छता तथा गुणस्तर विधेयक संशोधन’ लाई राष्ट्रिय सभाको सहमति ★   विसं २०८०: वन मन्त्रालयमा के के काम भए ?

सुनको मूल्यमा एकपछि अर्को रेकर्ड, तोलामा कति पुग्यो ?



काठमाडौं । नेपाली सुनचाँदी बजारमा सुनको मूल्यले एकपछि अर्को नयाँ रेकर्ड बनाएको छ । मंगलबार सामान्य घटेको सुनको मूल्यले बुधबार फेरि नयाँ रेकर्ड बनाएको हो ।

बुधबार सुन अघिल्लो दिनको तुलनामा १ हजार ८ सय रुपैयाँले बढेर हालसम्म कै उच्च प्रतितोला १ लाख ३३ हजार रुपैयाँमा कारेबार भईरहेको नेपाल सुनचाँदी व्यवसायी महासंघले जनाएको छ ।

यसअघि आइतबार सुनको मूल्यले १ लाख ३० हजार पुगि नयाँ रेकर्ड बनाएको थियो । आइतबार को रेकर्ड तोड्दै सोमबार फेरि १ लाख ३१ हजार ६ सय रुपैयाँ कायम भई उच्च मूल्यमा कारोबार भएको थियो ।

मंगलबार ४ सयले घटेर १ लाख ३१ हजार २ सयमा झरेको सुन बुधबार फेरि १८ सयले बढेर नयाँ रेकर्ड बनाएको हो ।

यस्तै, आज तेजाबी सुन प्रतितोला एक लाख ३२ हजार तीन सय ५० रूपैयाँमा कारोबार भइरहेको छ । हिजो तेजाबी सुन प्रतितोला एक लाख ३० हजार पाँच सय ५० रूपैयाँमा कारोबार भएको थियो।

त्यसैगरी, बुधबार चाँदीको मूल्य पनि बढेको छ । आज चाँदी प्रतितोला ६५ रूपैयाँले बढेर प्रतितोला एक हजार छ सय १० रूपैयाँमा कारोबार भईरहेको महासंघले जनाएको छ।