हेटौंडा । बागमती प्रदेशका मुख्यमन्त्री शालिकराम जम्कट्टेलले विश्वासको मत मागेका छन् ।
प्रदेशसभाको सोमबार बसेको बैठकमा मुख्यमन्त्री जम्कट्टेलले विश्वासको मत मागेका हुन् ।
उनले १४ महिनामा आफ्नो नेतृत्वको सरकारले नीतिगत काम धेरै गरेको दाबि गरे । उनले प्रदेश र प्रदेश सरकारको स्थायित्व र प्रदेशबासीको चाहनाअनुसार काम गर्न एकतावद्ध भएर अगाडि बढ्नुपर्ने बताए ।
११० सदस्यीय प्रदेशसभामा सत्ता गठबन्धनको बहुमत देखिन्छ । माओवादी केन्द्रका जम्कट्टेलले एमाले, एकीकृत समाजवादी र हाम्रो नेपाली पार्टीका समर्थनमा विश्वासको मत लिँदैछन् ।
बागमतीमा एमाले (२७), माओवादी केन्द्र (२१) र एकीकृत समाजवादी (७) गरि गठबन्धनका ५५ र हाम्रो नेपाली पार्टी का एक सांसद रहेका छन् ।
