एजेन्सी । इन्डियन प्रिमियर लिग (आईपीएल) मा आज मुम्बई इन्डियन्स र राजस्थान रोयल्स भिड्दैछन् । मुम्बईको वानखेडे क्रिकेट स्टेडियममा हुनलागेको खेल नेपाली समय अनुसार बेलुका ७:४५ बजेबाट सुरु हुनेछ ।
पाँच पटकको च्याम्पियन मुम्बई आफ्नो सुरुवाती दुवै खेल हारेर अंक तालिकाको पुछारमा छ । अर्कोतर्फ सञ्जु सैमसनको कप्तानीमा रहेको राजस्थानको टोली सुरुवाती दुवै खेल जितेर तेस्रो स्थानमा छ ।
मुम्बई र राजस्थानबिचको हेड-टु-हेड
आईपीएलमा मुम्बई र राजस्थानबीच हालसम्म २८ खेल खेलिएको छ । जसमा मुम्बईले १५ खेल जितेको छ भने राजस्थानले १२ खेल हात पारेको छ । एक खेल भने अनिर्णित रह्यो ।
अहिलेसम्म दुई टोलीबीच वानखेडे रंगशालामा भएको ८ खेलमा मुम्बईले ५ र राजस्थानले ३ खेल जितेको छ । मुम्बईले वानखेडे स्टेडियममा खेलेको ७८ खेलमा टोलीले ६१५ अर्थात ४८ खेल जितेको छ।
पहिलो दुई खेलमा हार बेहोरेको मुम्बई इन्डियन्स ब्याटिङ र बलिङ दुवै असफल भयो । यो सिजन टिमका लागि तिलक वर्माले सर्वाधिक रन बनाए । उनले २ खेलमा ८९ रन बनाएका छन् । बलिङमा जसप्रित बुमराहले टिममा सर्वाधिक ३ विकेट लिएका छन् ।
यस्तै, सुरुका दुई खेलमा राजस्थान रोयल्सका ब्याट्सम्यानदेखि बलरसम्म सबैजना फर्ममा देखिन्छन् । राजस्थानका शीर्ष क्रमका युवा ब्याट्सम्यान रियान परागले टिमका लागि सर्वाधिक १२७ रन बनाएका छन् । बलिङतर्फ स्पिनर युजभेन्द्र चहलले सर्वाधिक ३ विकेट लिएका छन् ।
पिच रिपोर्ट
वानखेडेको पिच सामान्यतया ब्याट्सम्यानका लागि बढी सहयोगी साबित हुन्छ। उच्च स्कोरिङ खेलहरू यहाँ देखिएका छन्। यो विकेटमा पेसर्सले पनि सहयोग पाउँछन् । विशेष गरी नयाँ बलमा बलिङ गर्दा यहाँका बलरहरूले राम्रो स्विङ र बाउन्स पाउँछन्।
हालसम्म यहाँ १०९ आईपीएल खेलहरू खेलिएका छन्।
मौसम अवस्था
सोमबार मुम्बईमा मौसम राम्रो रहनेछ। पानी पर्ने कुनै सम्भावना छैन । तापक्रम २४ देखि ३४ डिग्री सेल्सियसको बीचमा रहनेछ।
मुम्बई इन्डियन्सको प्लेईङ ११:
हार्दिक पाण्ड्या (कप्तान), रोहित शर्मा, इशान किशन (विकेटकीपर), नमन धीर, तिलक वर्मा, रोमारियो शेफर्ड, टिम डेभिड, शाम्स मुल्लानेरकुमार कार्तिकेय, पियुष चावला, जेराल्ड कोएत्जी र जसप्रित बुमराह।
इम्पैक्ट प्लेयर: नुवान तुषारा, आकाश मधवाल, नेहल वढेरा।
राजस्थान रोयल्सको प्लेईङ ११:
सञ्जु सैमसन (विकेटकीपर र कप्तान), यशस्वी जैसवाल, जोस बटलर, रियान पराग, ध्रुव जुरेल, शिमरोन हेटमायर, रविचन्द्रन अश्विन, युजवेन्द्र चहल, ट्रेन्ट बोल्ट, सन्दीप शर्मा र आवेश खान।
इम्पैक्ट प्लेयर: नान्द्रे बर्गर।
