एजेन्सी । दक्षिणी लेबनानको तटीय शहर टायर नजिकै कारलाई लक्षित गरी इजरायली ड्रोन हमलामा हमासका एक सदस्यको मृत्यु भएको छ । एकजना यात्रुको पनि मृत्यु भएको बताइएको छ ।
हवाई आक्रमणमा लेबनानमा आफ्नो सशस्त्र शाखाका सदस्य हादी मुस्तफा मारिएको बताइएको छ । इजरायली सेनाले टायर क्षेत्रमा हमला गरेको स्वीकारेको छ ।
मारिएको अर्को व्यक्ति सिरियाली नागरिक भएको बताएको छ । जो लक्षित कारको नजिक मोटरसाइकलमा थिए । झडपमा परी दुई जना घाइते भएको समेत बताइएको छ ।
