काठमाडौं । प्रधानमन्त्री पुष्पकमल दाहाल ‘प्रचण्ड’ले नयाँ उर्जाका साथ सुशासन, सामाजिक न्याय, समृद्धि र विकासको मार्गचित्रमा पूर्णरूप खर्चिने प्रतिबद्धता जनाउनु भएको छ ।
प्रतिनिधिसभा बाट विश्वासको मत प्राप्त भएपछि सामाजिक संञ्जाल मार्फत विश्वासको मत दिने सत्ता सहयात्री दल लगायत सम्पूर्ण राजनीतिक दलमा आवद्ध र स्वतन्त्र रूपमा क्रियाशील सांसदहरुलाई हार्दिक आभार धन्यवाद व्यक्त गर्दे उहाँले यस्तो प्रतिबद्धता जनाउनु भएको छ ।
उहाँले लेख्नु भएको छ- तपाईहरूबाट प्राप्त यो विश्वास संसदमा विश्वासको मत लिनुपूर्व मैले वाचा गरेअनुरूप नयाँ उर्जाका साथ सुशासन, सामाजिक न्याय, समृद्धि र विकासको मार्गचित्रमा पूर्णरूप खर्चिने प्रतिबद्धता व्यक्त गर्दछु।
प्रतिनिधिसभामा आज भएको मतविभाजनमा कूल २६८ मध्ये विश्वासको पक्षमा १५७ मत प्राप्त गर्नुभएको छ भने विपक्षमा ११० मत परेको थियो भने मत दिन्न भन्नेमा एक मत परेको थियो ।
