काठमाडौँ । राष्ट्रिय सभा सदस्य दिलकुमारी थापा रावलले संसदीय अनुगमनलाई प्रभावकारी बनाउन स्पष्ट मापदण्ड निर्माण गर्न आवश्यक रहेको बताउनुभएको छ ।
बिहीवारको राष्ट्रिय सभाको बैठकलाई सम्बोधन गर्दै उहाँले यस्तो बताउनुभएको हो । उहाँले समितिका साझा विषयमा संयुक्त बैठक बस्ने अभ्यास शुरु भएको भन्दै यसलाई आगमामी दिनमा अझै सशक्त बनाएर लैजानुपर्ने बताउनु भयो । उहाँले संसदभित्र विज्ञ समूहरुको रोष्टर व्यवस्था गर्न पनि माग गर्नुभयो ।
उहाँले भन्नुभयो, ‘संसदीय अनुगमनलाई प्रभावकारी बनाउन एउटा स्पष्ट मापदण्ड निर्माण होस् । समितिका साझा विषयमा हामीले संयुक्त बैठक बस्ने अभ्यास शुरु गरेका छाँै । संयुक्त बैठक, संयुक्त निर्देशन र संयुक्त स्थलगत जाने कुरा आउने दिनमा यसलाई अघि बढाउनुपर्छ । संसदभित्र विज्ञ समूहरुको रोष्टर व्यवस्था गरियोस् । सबै समितिका सकारात्मक कामहरुको लागि अनुभव आदानप्रदान गर्ने छलफलले निरन्तरता पाओस् । राष्ट्रिय सभाले केही नयाँ मानकहरु स्थापना गरेको छ । समयमा नै सभा सञ्चालन हुनेकुरा महत्वपूर्ण छ ।’
उहाँले राष्ट्रिय सभाले समयमा नै सभा सञ्चालन गरेर नयाँ मानक स्थापना गरेको बताउनु भयो ।
