काठमाडौं । त्रिकोणात्मक टी-२० सिरिजको दोस्रो खेलमा नेपालले आज नेदरल्यान्डस् सङ्ग प्रतिस्पर्धा गर्दैछ ।
नेपाल र नेदरल्यान्डस् बीचको खेल किर्तीपुरस्थित त्रिवि मैदानमा बिहान ११:३० बजे सुरु हुनेछ ।
नेपालले हिजो मंगलबार पहिलो खेलमा नामिबियासङ्ग २० रनले पराजित भएको थियो । उक्त हारलाई सुधार गर्दै नेपाल आजको खेलमा जित निकाल्न चाहन्छ ।
अर्कोतर्फ नेदरल्यान्डस् पहिलो खेलमै नेपाललाई हराएर प्रतियोगितामा विजयी सुरुवात गर्ने दाउमा छ ।
आईसीसी विश्वकप लिग–२ प्रतियोगिता खेल्न आएका दुई टोली नामिबिया र नेदरल्यान्ड्स हाल नेपालमा छन् । यी दुई टोलीसँग नेपालले टी–२० शृंखला खेल्न लागेको हो ।
आगामी जुनमा अमेरिका र वेस्ट इन्डिजमा आयोजना हुन लागेको आईसीसी टी–२० विश्वकपको तयारी स्वरुप यो सिरिज सञ्चालन गरिएको हो ।
