काठमाडौं । नेपाल समाजवादी पार्टीका अध्यक्ष तथा पूर्वप्रधानमन्त्री डा.बाबुराम भट्टराईले क्रान्तिकारीहरूलाई बन्दुकको गोलीले भन्दा सत्ताको गुलियोले छिटो सिध्याउॅछ भनेको यस्तै हो कि भन्दै प्रधानमन्त्री पुष्पकमल दाहाल प्रति कटाक्ष गर्नुभएको छ ।
लघुवित्तको ऋण मिनाहा हुनुपर्ने लगायतको माग राखेर आन्दोलन गरेकाहरुको माग पुरा गर्नुको साटो सामान्य प्रक्रियागत मुद्दा तेर्स्याएर दमन गर्नु लज्जास्पद र भर्त्सनायोग्य भएको जनाउनु भएको छ ।
उहाँले सामाजिक संञ्जालमा लेख्नु भएको छ –
हिजो गरीब किसान-मजदूरकोनिम्ति लडेकाहरूले नेतृत्व गरेको सरकारले सूदखोरी (निजी र संस्थागत) पीडित गरीबहरू (अधिकांश महिलाहरू) को राजधानी -केन्द्रित आन्दोलनका माग इमान्दारितापूर्वक शीघ्र समाधान गर्नुसट्टा उनीहरूलाई सामान्य प्रक्रियागत मुद्दा तेर्स्याएर दमन गर्नु लज्जास्पद र भर्त्सनायोग्य छ!
अझै आफ्ना प्रशासनिक र सुरक्षा कमजोरीको जिम्मेवारी लिनुसट्टा सर्वसाधारण पैदल हिड्ने बाटो छेकेर निषेधित क्षेत्र घोषणा गर्नु अधिनायकवादको परिचायक भएको प्रष्टै छ।
क्रान्तिकारीहरूलाई बन्दुकको गोलीले भन्दा सत्ताको गुलियोले छिटो सिध्याउँछ भनेको यस्तै हो कि?
