![](https://newspolar.com/wp-content/uploads/2024/02/nep-3.jpg)
काठमाडौँ । वाफ वुमन्स च्याम्पियनसिप अन्तर्गत समूह चरणको खेलमा नेपालले सिरियासँग प्रतिस्पर्धा गरिरहेको छ । पहिलो हाफको समाप्तिमा नेपालले सिरिया विरुद्ध ३–१ को अग्रता बनाएको छ ।
खेलको १० औं मिनेटमा अमिशा कार्कीले गोल गर्दै नेपाललाई सुरुवाती अग्रता दिलाइन् । सिरियाका किपर र डिफेन्डरबीच तालमेल मिल्न सकेन र कार्किले सदुपयोग गर्दै गोल गरिन् ।
यस्तै, १३ औं मिनेटमा अनिता बस्नेतले कर्नरबाटै उत्कृष्ट गोल गर्दै नेपालको अग्रता दोब्बर पारिन् । १९ औं मिनेटमा साबित्रा भण्डारीले गोल गर्दै नेपालको अग्रता ३–० ले बढाइन् । उनलाई अमिशा कार्कीले पास उपलब्ध गराइन् ।
४३ औ मिनेटमा फ्रिकिकबाट आएको बलमा गोलकिपर एन्जिला सुब्बाले सन्तुलन गुमाउदा गोल खान पुगिन् र सिरिया १–३ को अवस्थामा आयो ।