काठमाडौँ । क्यानडा–११ विरुद्धको एकदिवसीय शृङ्खलाको दोस्रो खेलमा नेपाल ए विजयी भएको छ । माथिल्लो मुलपानी क्रिकेट मैदानमा भर्खरै सम्पन्न खेलमा नेपाल ए ले क्यानडा ११ लाई दुई विकेटले पराजित गरेको हो ।
नेपालको जितमा सन्दीप जोरा र बसिर अहमदले अर्धशतकीय पारी खेले । सन्दीपले ७४ बलमा ६६ रन, बसिरले ७३ बलमा ५२ रन जोड्दा रशिद खानले ५१ बलमा ४७ रनको योगदान दिए । बलिङतर्फ क्यानडाका अमोर खालिद, शाहिद अहमदजाई र निखिल दत्तले २–२ तथा साद बिन जफर र हर्ष ठाकेरले १–१ विकेट लिए ।
त्यसअघि टस हारेर पहिले ब्याटिङ गरेको क्यानडा–११ ले ४९ दशमलव पाँच ओभरमा सबै विकेट गुमाउदै दुई सय ४० रनको योगफल बनायो ।
क्यानडाका लागि श्रेयास मोम्भाले सर्वाधिक ६८ रनको योगदान दिए । उनले ८२ बल खेल्न क्रममा पाँच चौका प्रहार गरे । त्यस्तै नवनित दलिवालले ४६, श्रीमन्था विजयरत्नेले ४१ र आरोन जोनसनले ३६ रनको योगदान दिए । डिलोन हेलिगरले १६ रन बनाए ।
बलिङतर्फ नेपालका साहब आलमले तीन विकेट लिए भने शेर मल्ल र रासिद खानले समान दुई/दुई विकेट लिए । त्यसैगरी सागर ढकाल र बसिर अहमदले समान एक/एक विकेट लिए ।
योसँगै सिरिज १–१ को बराबरी भएको छ । अब तेस्रो तथा अन्तिम खेल बिहीबार हुनेछ ।
