• १३ फाल्गुन २०८०, आईतवार
  •      Sun Feb 25 2024
  •   Unicode
Logo
Latest
★   कस्तो छ हाडजोर्नीको उपचार ? वरिष्ठ भारतीय चिकित्सक शर्माको विचार ★   बागमती प्रदेश संसद् सञ्चालन गर्न सर्वदलीय बैठक बस्दै ★   ज्यान मार्ने उद्योगमा फरार विश्वकर्मा पक्राउ ★   श्रीलङ्काद्वारा रुसी र युक्रेनीलाई दीर्घलानीन भिसा खारेज ★   गजेन्द्र हमालले दिए कांग्रेस महासमिति सदस्यबाट राजीनामा ★   ‘राजनीतिक दलसम्बन्धि दोस्रो संशोधन विधेयक, २०८०’ प्रतिनिधि सभामा पेश ★   पर्यटकहरुले २५ हजार बढी भारतीय रकम बोकेर नेपाल छिर्न नदिने कानून संशोधन होस्: सांसद शर्मा ★   पार्टीहरुलाई शान्ति र लोकतन्त्रको धारमा रुपान्तरण गर्नु काँग्रेसको दायित्व हो: नेता सिटौला ★   नेदरल्यान्ड्सको १०० रन पूरा ★   माओवादीका सांसद सापकोटाको बोलीमा लगाम लगाउन राप्रपा प्रवक्ता श्रेष्ठको सुझाव

लाइभ म्याच चलिरहेको बेला मैदानमै चट्याङ लागेर फुटबलरको मृत्यु



एजेन्सी । इन्डोनेसियामा फुटबल खेलका क्रममा चट्याङ लागेर एक खेलाडीको अस्पताल लैजाँदै गर्दा बाटोमै मृत्यु भएको छ । यो घटना शनिबार भएको बताइएको छ । जसको भिडियो अहिले सार्वजनिक भएको छ ।

गत शनिबार इन्डोनेसियाको वेस्ट जाभास्थित सिलिवाङ्गी रंगशालामा खराब मौसमका बीच एफसी बान्डुङ र एफबीआई शुभाङबीच मैत्रीपूर्ण खेल भयो । यसैबीच, मैदानको एक भागमा उभिरहेका एक खेलाडीमाथि अचानक चम्किलो प्रकाशसहितको चट्याङ पर्यो ।

सो क्रममा आगलागी पनि भएको थियो । चट्याङ लागेका खेलाडी तुरुन्तै भुइँमा लडेका थिए भने केही दूरीमा उभिएका अन्य खेलाडी पनि विस्फोटका कारण लडेका थिए । बाँकी खेलाडीहरू आफूलाई जोगाउन भुइँमा पल्टिए, जबकि केही बाहिर दौडन थाले ।

केही समयपछि अन्य खेलाडी घाइते खेलाडीको नजिक पुगे । त्यतिबेला खेलाडीको सास चल्दै थियो । उनलाई अस्पताल लगिएको थियो, जहाँ चिकित्सकले उनलाई मृत घोषणा गरेका थिए ।

पछिल्लो १२ महिनामा इन्डोनेसियाका फुटबलरलाई चट्याङ परेको यो दोस्रो पटक हो । २०२३ मा सोराटिन यू–१३ कपको क्रममा पूर्वी जाभाको बोजोङ्गोरोमा एक फुटबलरलाई चट्याङ लागेको छ । कार्डियक अरेस्टबाट पीडित खेलाडीलाई तत्काल अस्पताल लगिएको थियो ।

२० मिनेटको प्रयासपछि उनलाई होशमा ल्याउन चिकित्सक सफल भएका थिए । मैदानमा उपस्थित अन्य ६ जना खेलाडीलाई पनि चट्याङ लागेर अस्पतालमा समय बिताउनु परेको थियो ।