काठमाडौँ । नेकपा एमालेका प्रमुख सचेतक पदम गिरीले अरुको गर्भ भाडामा लिएर बच्चा जन्माउने प्रकृया (सेरोगेसी) का बारेमा कानूनमा सम्बोधन गर्न आवश्यक रहेको बताउनुभएको छ ।
बिहीवार नेपाली चलचित्र दयारानीको प्रिमियर शो हेरिसकेपछि सञ्चारकर्मीहरुसँग कुरा गर्दै उहाँले यस्तो बताउनुभएको हो । उहाँले सेरोगेसीबारे कानूनमा सम्बोधन गर्न नसकिरहेको अवस्था रहेको भन्दै बच्चा आफूसँग नहुँदा अभाव कसरी पूरा गर्ने भन्ने बारेमा कानूनले केही न केही सम्बोधन गर्नुपर्ने बताउनु भयो । उहाँले चलचित्र दयारानीले समाज र संस्कृतिका विभिन्न पाटाहरुलाई उजागर गरेको बताउनु भयो ।
उहाँले भन्नुभयो, ‘फिल्मले समाज र संस्कृतिका विभिन्न पाटाहरुलाई उजागर गरेको छ । नेपाली समाजमा बच्चा नजन्माउँदा महिलाहरुले पीडा कस्तो हुन्छ ? कति पीडा भोग्छ । भन्नेकुराको गहिरो गरी अनुभुति हुनेगरी आएको छ । यस्ता घटना मेरो छिमेकमा धेरै नै छन् । श्रीमतीको मात्रै कमजोरी देख्ने, श्रीमानको कमी नदेख्ने कुरा यसमा छ । विश्वमा विभिन्न अभ्यास भएको छ । बच्चा नभए त्यस्तो सन्दर्भमा विभिन्न ढंगले पाल्न सकिन्छ, लिएर । सेरोगेसीको कुरा पनि छ । तर त्यो हामीले कानूनमा व्यवस्था गर्न सकेका छैनौँ । बच्चाको खालि हुँदा त्यसको अभाव कसरी पूरा गर्ने भन्ने आज पनि सोच्न सकिएको छैन, यसतर्फ कानूनले केही न केही सम्बोधन गर्नुपर्छ ।’
प्रिमियर शोपछि बोल्दै कलाकार कमलमणि नेपालले चलचित्रको कथा नेपाली समाजकै कथा रहेको बताउनु भयो । उहाँले एउटा समुदायको मात्रै कथा नभइ समग्र नेपाली समाजको कथा भएकाले सबैले हेर्नुपर्ने बताउनु भयो ।
उहाँले भन्नुभयो, ‘कथा एकदमै राम्रो छ । नेपाली समाजको कथा हो यो । एउटा समुदायको मात्रै कथा होइन । फिल्म छोटो मिठो छ । सबै हेर्नुपर्ने फिल्म हो ।’
अभिनेत्री दिया पुनले चलचित्र हेर्नेहरुबाट राम्रो प्रतिक्रिया पाइरहेको बताउनु भयो
