काठमाडौं । अग्रणी रहेको इलेक्ट्रोनिक कम्पनी सामसुङले एस २० प्लसको मूल्य घटाएर ९४ हजार ९९९ रूपैयाँमा बिक्री गर्ने भएको छ । नेपाली बजारमा एस सिरिज अन्तर्गत एस २१ प्लस र एस २१ अल्ट्रा ल्याए पश्चात् एस सिरिज अन्तर्गतकै आफ्नो अघिल्लो मोडेल एस २० प्लसको मूल्य कम गरेको हो ।
गतमहिना सार्वजनिक गरिएको एस सिरिजका एस २१ प्लस र एस २१ अल्ट्रा अत्याधुनिक डिस्प्ले, सुधार गरिएको क्यामेरा र आकर्षक डिजाइनका लागि हालसम्म निकै रुचाइएको छ ।
कम्पनीका अनुसार एस २० प्लसको मूल्य १ लाख ४ हजार ९९९ रूपैयाँ रहेको थियो । यस फोनको मूल्य अफर दिएर १० हजार रूपैयाँ घटाएर अब यसको मूल्य ९४ हजार ९९९ रूपैयाँ तोकिएको छ । यो अफर मार्च महिना अन्तसम्मको लागि सिमित गरिएको छ ।
