काठमाडौँ । कीर्तिपुरस्थित त्रिवि मैदानमा नेपाल र क्यानाडाबीचको खेल जारी रहँदा केहीबेर तनावको स्थिती सिर्जना हुन पुग्यो ।
बलात्कारको अभियोगमा दोषी ठहर भएका क्रिकेटर सन्दीप लामिछानेको पक्षमा नारा लगाएपछि तनाव उत्पन्न भएको हो ।
खेल जारी रहँदा दर्शकले सन्दीप लामिछानेको नाममा हुटिङ गरेका थिए । हुटिङ गर्नेमध्ये दुई जनालाई प्रहरीले मैदानबाट निकालेको छ ।
‘सन्दीप हाम्रो शान हुन्, हामीलाई सन्दीप चाहियो’ भन्दै दर्शक दिर्घाबाट हुटिङ भएपछि प्रहरी एक्शनमा उत्रिएको हो । दर्शकले बोकेका केही ब्यानर समेत प्रहरीले खोसेको छ ।
अहिले पहिलो इनिङ्स सकिँदा नेपालले क्यानडालाई २२५ रनको लक्ष्य दिएको छ ।
