काठमाडौँ । नेपाली काँग्रेसकी सांसद कमला पन्तले संघीय संसदको हिउँदे अधिवेशनमा बिजनेसको कमी हुन नदिन सरकारसँग आग्रह गर्नुभएको छ ।
मंगलवार बसेको राष्ट्रिय सभाको बैठकमा बोल्दै उहाँले यस्तो आग्रह गर्नुभएको हो । उहाँले चालु अधिवेशनमा धेरै भन्दा धेरै विधेयक ल्याउनुपर्ने बताउनु भयो । उहाँले संसद बिजनेसबिहीन भएर बस्नुपर्ने विगतको स्थिति दोहोरिन नदिन आग्रह गर्नुभयो । उहाँले सरकारले धेरै भन्दा धेरै बिजनेस संसदलाई दिनुपर्ने बताउनु भयो ।
उहाँले भन्नुभयो, ‘यो अधिवशेनमा विधेयक धेरै ल्याउनुपर्नेछ । त्यसैले म सरकारलाई के अनुरोध गर्दछु भने वास्तवमा संसद बिजनेस नपाएर बस्ने गरेको छ । यो अधिवेशनमा बिजनेस नपाएर संसद खालि बस्न नपरोस् । सरकारले बिजनेस दिओस् ।’
सांसद पन्तले भ्रष्टाचारको अन्त्य नभइकन सुशासन कायम हुन नसक्ने बताउनु भयो ।
