काठमाडौँ । स्पेनिस फुटबल लिग ला लिगा अन्तर्गत रियल मड्रिड र एट्लेटिको मड्रिडले बराबरी खेलेका छन् ।
गएराति भएको ‘मड्रिड डर्बी’मा दुबै टोलीले १–१ गोलको बराबरी खेल्दै अंक बाँडेका हुन् । खेलको २० औं मिनेटमा घरेलु टोली रियलले ब्राहिम डियाजको गोलबाट खेलमा अग्रता बनाएको थियो ।
यता, खेल सकिनै लाग्दा इन्जुरी समयमा अर्थात् ९०.३ औं मिनेटमा मार्कोस लोरेन्टेले गोल गर्दै एट्लेटिकोलाई हारबाट जोगाए ।
बराबरीसँगै रियल २३ खेलबाट ५८ अंकका साथ तालिकाको शीर्षस्थानमा रहँदा एट्लेटिको ४८ अंकका साथ चौंथो स्थानमा छ ।
