काठमाडौं । नेकपा एमालेका उपाध्यक्ष भीम रावलले नेकपा एमाले फेरि विभाजित हुने अवस्था नआउने बताएका छन् । बिहीवार बसेको एमालेको नेपाल-खनाल समूहको अनौपचारिक भेलापछि सञ्चारकर्मीहरूसँग बोल्दै उपाध्यक्ष रावलले नेकपा एमाले फेरि विभाजित हुने अवस्था कल्पना पनि गर्न नसकिने बताएका हुन् ।
'नेकपा एमाले फेरि विभाजित हुने अवस्था कल्पना पनि गर्न सक्दैनौं,' उनले भने, 'नेकपा माओवादी केन्द्रलाई पनि विभाजन गरिदिने, एमाले पनि विभाजन गरिदिने र नेपाललाई बाह्य शक्तिको खेलमैदान बनाउने, संविधानलाई पनि समाप्त गर्ने खेलको विरुद्धमा हामी छौं, उनले भने ।'
रावलले केपी शर्मा ओलीको बदलामा अर्को प्रधानमन्त्रीको खोजी नहुने बताएका छन् । आफुहरुले केही नीतिगत छलफल गरेपनि अर्को प्रधानमन्त्रीको खोजी नभएको बताएका हुन् ।
'हामीले केही नीतिगत छलफल मात्र गरेका हौँ,' उनले भने, 'अर्को प्रधानमन्त्रीको खोजी भएको छैन ।'
रावल आज बसेको भेललाई गूटगत या समूहगत भेला भन्न नमिल्ने समेत दाबी गरे । 'यो समूहगत भेला होइन । बालुवाटारमा पनि नियमितजस्तो भेटघाट चलिरहेका छन्, कसरी अघि बढ्ने भन्ने रणनीति तय भएको छ । हामीले पनि त्यही गरेका हौँ।'
