काठमाडौं । नेकपा एमालेका अध्यक्ष केपी ओलीसंग लिमीठाना मावि पर्वत फलेबासमा कक्षा ११ र १२ मा कानून पढ्ने विद्यार्थीहरूले भेट गरेका छन् ।
सर्वोच्च अदालत हेर्न आएका बिद्यार्थीहरुले बालकोट पुगेर ओलीसंग भेट गरेका हुन् । भेटमा बिद्यार्थीहरुले आफूहरु वकील र न्यायाधीश बन्ने कुरा सुनाएका थिए ।
भेटपछि ओलीले सामाजिक संञ्जालमा लेख्नु भएको छ-
उनीहरूले भने – ‘हामी पर्वतदेखि भेट्न आएका नि बा !’
मैले सोधें – ‘काठमाडौंमा के के हेर्यौ त ?’
उनीहरू सर्वोच्च अदालत हेर्न जाने भन्दै थिए। अनि भन्दै थिए – वकील बन्ने हो, न्यायाधीश बन्ने हो ।
लिमीठाना मावि पर्वत फलेबासमा कक्षा ११ र १२ मा कानून पढ्ने विद्यार्थीहरू आज बिहानै बालकोट आएका थिए। माघे संक्रान्तिमा बनाएको लड्डु पनि सँगै बसेर खाइयो।
आजको बिहान धेरै रमाइलो भयो।
