काठमाडौँ । पूर्वराजा ज्ञानेन्द्र शाहले राप्रपाका पाँच नेतासंग भेट गर्नुभएको छ । दुई साता देखि भैरहवामा व्यस्त रहनुभएका पूर्वराजाले आज राप्रपा अध्यक्ष राजेन्द्र लिङ्देन सहित बुद्धिमान तामाङ, रवीन्द्र मिश्र, धवल शमशेर राणा र दीपक सिंहसंग भेट गर्नुभएको छ ।
भेटमा पूर्वराजा शाहले आफू ऐतिहासिक संस्थाको प्रतिनिधित्व गर्ने जनाउदै आफ्ना काम सबैलाई एकताको सूत्रमा बाँध्ने भएको बताउनु भएका भेटमा सहभागी राप्रपा उपाध्यक्ष मिश्रले जानकारी दिनुभयो । मिश्रका अनुसार पूर्वराजा शाहले सबै नेपाली आफ्ना लागि बराबर भएको जनाउनु भएको छ ।
राष्ट्रिय प्रजातन्त्रभित्र फरक–फरक धारणा र मतकाबीच सो पार्टीले फागुन ७ गते देखि आन्दोलन गर्ने घोषणा गरेका बेला पूर्वराजा शाहले उनीहरूसँग छलफल गर्न भैरहवा डाक्नुभएको बुझिएको छ ।
भैरहवा मुकाम बनाएर बुटवलको जीतगढी किल्ला र निलकण्ठ धाम, देवदहको पाकरी वृक्ष, नारायणपुर दर्बहवा, शिव मन्दिर लगायतका स्थान भ्रमण गर्ने पूर्वराजा शाहको तयारी छ ।
