म्याड्रिड । शनिबार स्पेनी ला लिगामा भइको खेलमा करिम बेन्जेमाको दुई गोलमा रियल म्याड्रिडले सेल्टा भिगोलाई ३–१ ले हराएको छ । लयमा रहेका फ्रान्सेली खेलाडीले गोल गरेको यो लगातार छैटौं खेल हो ।
उनले २० र ३० औं मिनेटमा गोल गरेपछि रियलका लागि मार्को एसेसिओले अर्को एक गोल थपे । सेल्टा भिगोका तर्फबाट सान्टी मिनाले एक गोल फर्काए ।
यो जितपछि रियल २८ खेलबाट ६० अंकसहित दोस्रो स्थानमा उक्लेको छ । उसको अगाडि एट्लेटिको म्याड्रिडको ६३ अंक छ ।