प्रचण्डलाई खुमलटार पठाउने गगनको अभिव्यक्ति प्रति नेता घिमिरेको टिप्पणी: गफै न हो सम्धिज्यू !

काठमाडौं । नेपाली काग्रेसका महामन्त्री गगन थापाले प्रधानमन्त्री पुष्पकमल दाहाललाई खुमलटार पठाउने सक्ने हैसियत काग्रेससंग भएको भन्दै दिनु भएको अभिव्यक्तिलाई काग्रेसका पुरानानेता लक्ष्मण घिमिरेले गफै न हो सम्धिज्यू भन्ने उखानसंग तुलना गर्नुभएको छ ।

थापाले शनिबार भक्तपुरमा आयोजना भएको एक कार्यक्रममा थापाले प्रधानमन्त्री दाहालले सरकारमा रहेर राम्रा काम गर्न नसके बालुवाटारबाट खुमलटार पठाउने हैसियत काँग्रेसको रहेको जिकिर गर्नुभएको थियो ।

उहाँले काँग्रेसले चाहेर नै दाहाललाई प्रधानमन्त्री बनाइएको भन्दै काँग्रेसले नचाहेको दिन प्रधानमन्त्री रही रहन नसक्ने बताउनु भयो ।उहाँको अभिव्यक्ति प्रति टिप्पणी गर्दै नेता घिमिरे काँग्रेसका कार्यकर्ताहरू त्यो दिन देख्न व्यग्र रहेको जनाउनु भयो ।

उहाँले लेख्नु भएको छ –

प्रचण्डलाई खुमलटार पठाउने हैसियत कांग्रेससँग छः गगन थापा : “लौन हो त्यो हैसियत प्रयोग गर्न ढिला नगरौं महामन्त्री ⁦@thapagk ज्यू ! नेपाली काँग्रेसका कार्यकर्ताहरू त्यो दिन देख्न व्यग्र छन्। होइन भने – गफै न हो सम्धिज्यू भन्ने उखान छंदैछ !”