एजेन्सी । शाहरुख खानको फिल्म ‘डंकी’ रिलिज भएको छ र फिल्मले राम्रो प्रतिक्रिया पाइरहेको छ । निर्देशक राजकुमार हिरानीको फिल्ममा शाहरुख पहिलो पटक देखिएका हुन् ।
यसअघि हिरानीले पाँचवटा फिल्म बनाए, जसमध्ये दुईवटा शाहरुख खानलाई अफर गरिएको थियो तर दुवै पटक शाहरुखले ती हिट फिल्मलाई अस्वीकार गरे ।
प्रसिद्ध फिल्ममेकर राजकुमार हिरानीले आफ्नो करियरमा हालसम्म पाँचवटा फिल्म निर्देशन गरिसकेका छन् र ती सबै ब्लकबस्टर हिट साबित भएका छन् । डंकी उनको छैटौं फिल्म हो जसमा शाहरुख खान देखिएका छन् । तर के तपाईलाई थाहा छ हिरानी आफ्नो पहिलो फिल्ममा शाहरुख खानलाई नायकको रुपमा कास्ट गर्न चाहन्थे । यो फिल्म सन् २००३ मा रिलिज भएको ‘मुन्ना भाई एमबीबीएस’ थियो ।
यस फिल्मका लागि सबैभन्दा पहिले शाहरुख खानलाई अप्रोच गरिएको थियो तर केही कारणले शाहरुखले मानेनन् । त्यसपछि मुन्ना भाईको यो आइकोनिक भूमिका सञ्जय दत्तको हातमा गयो र उनले यो फिल्मबाट निकै तारिफ पाए ।
मुन्ना भाइ एमबीबीएस मात्र होइन, यसअघि शाहरुख खानलाई फिल्म ‘३ इडियट्स’को अफर पनि आएको थियो तर अभिनेताले त्यसलाई पनि अस्वीकार गरेका थिए । पछि यो फिल्ममा आमिर खानले मुख्य भूमिका निभाएका थिए भने फिल्ममा आर माधवन र शरमन जोशी पनि देखिएका थिए ।
यी दुवै फिल्मले आफ्नो बजेटभन्दा धेरै गुणा बढी कमाई गरे र सुपरहिट फिल्मको सूचीमा परे । यसका साथै आफ्नो दमदार कथाका कारण पनि सबैको मनपर्ने फिल्म बन्यो ।
