काठमाडौँ । प्रधानमन्त्री पुष्पकमल दाहाल ‘प्रचण्ड’को दुई साता लामो अमेरिका र चीन भ्रमण लागि पौने ५ करोड रुपैयाँ खर्च भएको पाइएको छ ।
अर्थ मन्त्रालयका अनुसार संयुक्त राष्ट्रसंघको ७८ औं महासभा र चीनको औपचारिक भ्रमणका जानुभएका प्रधानमन्त्रीको प्रतिनिधिमण्डलको भ्रमण खर्चबापत ४ करोड ७४ लाख २ हजार रुपैयाँ भुक्तानी भएको छ । सो रकम अर्थले परराष्ट्र मन्त्रालयका नाममा निकासा दिएको हो ।
३० भदौमा अमेरिका प्रस्थान गर्नुभएको प्रधानमन्त्री दाहालले ४ असोजमा महासभालाई सम्बोधन गरेपछि उतैबाट उहाँ ५ असोजमा चीन जानुभएको थियो ।
एसियन गेमको उद्घाटन कार्यक्रममा सहभागी हुनुभएको उहाँ चीनका विभिन्न राज्यको भ्रमण गरी स्वदेश फर्किनुभएको थियो ।
