एजेन्सी । इन्डियन प्रिमियर लिग (आईपीएल) २०२४ को मिनी लिलामी सम्पन्न भइसकेको छ । मंगलबार दुबईमा खेलाडीहरूमाथि पैसाको वर्षा भएको थियो ।
यसैबीच २००८ देखि हालसम्म कुन–कुन खेलाडी महँगो मूल्यमा बिक्रि भए भन्नेबारे यहाँ जानकारी लिऔं ।
१. वर्ष २००८ – महेन्द्र सिंह धोनी (चेन्नई सुपर किंग्स )
सूचीमा पहिलो स्थानमा चेन्नई सुपर किंग्सका कप्तान महेन्द्र सिंह धोनीको नाम छ, जसलाई चेन्नईले २००८ को आईपीएल लिलामीमा ९.५ करोड भारु बोली लगाएर आफ्नो क्याम्पमा सामेल गरेको थियो । सन् २००८ को आईपीएल लिलामीमा धोनी सबैभन्दा महँगा खेलाडी थिए ।
२. वर्ष २००९ – केभिन पिटरसन (रोयल च्यालेन्जर्स बैंगलोर)
सूचीमा दोस्रो स्थानमा केभिन पिटरसनको नाम छ, जसलाई रोयल च्यालेन्जर्स बैंगलोरले ९.८ करोड भारु बोली लगाएर आईपीएल २००९ को लिलामीमा समावेश गरेको थियो । केभिन आईपीएल २००९ को लिलामीमा किनिएका सबैभन्दा महँगा खेलाडी थिए ।
३. वर्ष २०१० – केरोन पोलार्ड (मुम्बई इन्डियन्स )
सूचीमा तेस्रो स्थानमा केरोन पोलार्डको नाम छ, जसलाई सन् २०१० मा मुम्बई इन्डियन्सले ४.८ करोड भारु तिरेर आफ्नो क्याम्पमा सामेल गरेको थियो । २०१० को लिलामीमा केरोन पोलार्ड सबैभन्दा धेरै रकममा बिक्रि भएका खेलाडी थिए ।
४. वर्ष २०११ – गौतम गंभीर (कोलकाता नाइट राइडर्स)
सूचीमा चौथो स्थानमा गौतम गम्भीरको नाम छ, जसलाई कोलकाता नाइट राइडर्सले २०११ मा १४.९ करोड भारुमा किनेको थियो । २०११ को आईपीएल लिलामीमा गम्भीर सबैभन्दा महँगा खेलाडी बनेका थिए ।
५. वर्ष २०१२ – रविन्द्र जडेजा (चेन्नई सुपर किंग्स)
रविन्द्र जडेजाको नाम सूचीमा पाँचौं स्थानमा छ, जसलाई चेन्नई सुपर किंग्सले १२.८ करोडमा किनेको थियो । आईपीएल २०१२ को लिलामीमा रविन्द्र जडेजा सबैभन्दा महँगा खेलाडी थिए ।
६. वर्ष २०१३ – ग्लेन म्याक्सवेल (मुम्बई इन्डियन्स)
ग्लेन म्याक्सवेललाई मुम्बई इन्डियन्सले ६.३ करोडमा किनेको थियो । सन् २०१३ को आईपीएल लिलामीमा ग्लेन म्याक्सवेल सबैभन्दा महँगा खेलाडी बनेका थिए ।
७. वर्ष २०१४ – युवराज सिंह (रोयल च्यालेन्जर्स बैंगलोर)
युवराज सिंहको नाम सूचीमा सातौं स्थानमा छ, जसलाई आरसीबीले २०१४ को आईपीएल लिलामीमा १४ करोड भारुमा आफ्नो क्याम्पमा समावेश गरेको थियो । आईपीएल २०१४ को लिलामीमा युवराज सिंह सबैभन्दा महँगा खेलाडी बनेका थिए ।
८. वर्ष २०१५ – युवराज सिंह (दिल्ली क्यापिटल्स)
युवराज सिंहलाई दिल्ली क्यापिटल्सले २०१५ आईपीएल लिलामीमा १६ करोड भारु बोली लगाएर आफ्नो क्याम्पमा समावेश गरेको थियो । आईपीएल २०१५ को लिलामीमा युवराज सिंह सबैभन्दा महँगा खेलाडी बनेका थिए ।
९. वर्ष २०१६ – शेन वाटसन (आरसीबी)
शेन वाटसनको नाम सूचीमा नवौं नम्बरमा छ, जसलाई आरसीबीले ९.५ करोडमा किनेको थियो । शेन वाटसन आइपिएल २०१६ को लिलामीमा किनिएका सबैभन्दा महँगा खेलाडी थिए ।
१०. वर्ष २०१७ – बेन स्टोक्स (राइजिङ पुणे जाइन्ट्स)
बेन स्टोक्सलाई सन् २०१७ मा राइजिङ पुणे सुपर जाइन्ट्सले १४.५ करोडमा किनेको थियो । उनी यस वर्षका सबैभन्दा महँगा खेलाडी थिए ।
११. वर्ष २०१८ – बेन स्टोक्स (राजस्थान रोयल्स)
बेन स्टोक्सलाई राजस्थान रोयल्सले २०१७ मा १२.५ करोडमा किनेको थियो ।
१२. वर्ष २०१९ – वरुण चक्रवर्ती (पञ्जाव सुपर किंग्स)
वरुण चक्रवर्तीको नाम सूचीमा १२ औं नम्बरमा छ, जसलाई २०१९ आईपीएल लिलामीमा पञ्जाब किंग्सले ८.४ करोडमा किनेको थियो । उनी यस वर्षका सबैभन्दा महँगा खेलाडी बनेका थिए ।
१३. वर्ष २०२० – प्याट कमिन्स (कोलकाता नाइट राइडर्स)
प्याट कमिन्सको नाम सूचीमा १३ औं नम्बरमा छ, जो १५.५ करोड भारु बोली लगाएर आइपीएल २०२० को लिलामीमा केकेआरको क्याम्पमा सामेल भएका थिए ।
१४. वर्ष २०२१ – क्रिस मोरिश (राजस्थान रोयल्स)
क्रिस मोरिसलाई राजस्थान रोयल्सले सन् २०२१ मा १६.२५ करोडमा किनेको थियो । उनी यस वर्षका सर्वाधिक महँगा खेलाडी हुन् ।
१५. वर्ष २०२२ – इशान किशन (मुम्बई इन्डियन्स)
इशान किशनलाई मुम्बई इन्डियन्सले सन् २०२२ मा १५.२५ करोडमा किनेको थियो । उनी यस वर्षका सर्वाधिक महँगा खेलाडी रहे ।
१६. वर्ष २०२३ – साम करन (पञ्जाव किंग्स)
साम करनलाई गत आईपीएल सिजनमा पञ्जाब किंग्सले १८.५० करोडमा किनेको थियो ।
१७. वर्ष २०२४ – मिचेल स्टार्क ( कोलकाता नाइट राइडर्स)
अष्ट्रेलियाका घातक बलर मिचेल स्टार्कलाई मंगलबार भएको अक्सनमा कोलकाता नाइट राइडर्सले २४ करोड ७५ लाखमा किन्यो । उनी आईपीएल इतिहासकै सर्वाधिक महँगा खेलाडी समेत बने ।
