एजेन्सी । बलिउड अभिनेता श्रेयस तलपडे अहिले निको भएर डिस्चार्ज भई घर फर्किएका छन् । डिसेम्बर १४ मा उनलाई हृदयाघात भयो र त्यसपछि उनलाई अस्पताल भर्ना गरिएको थियो ।
तर अहिले उनी पूर्णरुपमा स्वस्थ छन् । चिकित्सकले उनलाई घर जान अनुमति दिएका छन् । श्रेयसको आगमनको जानकारी श्रीमती दीप्तीले आफैंले इन्स्टाग्राममा सेयर गरेकी छिन् र यो दुःखद घडीमा साथ दिने सबैलाई धन्यवाद व्यक्त गर्दै अभिनेताको ज्यान जोगिएको भन्दै लामो पोस्ट पनि सेयर गरेकी छिन् ।
आफ्नो सामाजिक सञ्जाल पोस्टमा अभिनेताकी पत्नी दीप्तीले लेखेकी छिन्, ‘मेरो जीवन, मेरो श्रेयस अब पूर्णरुपमा निको भएर घर आएका छन् । श्रेयससँग कसलाई विश्वास गर्ने र कसलाई नगर्ने भन्ने बहस गर्थें तर मैले मेरो प्रश्नको उत्तर पाएको छु, र त्यो भगवान हुन् । म फेरि कहिल्यै भगवानको अस्तित्वमाथि प्रश्न उठाउने छैन।’
मंसिर १४ गते दिनभर सुटिङ गरेपछि साँझ श्रेयसको स्वास्थ्य बिग्रिएपछि उनी बेहोस भए । अस्पताल पुर्याएपछि उनलाई हृदयघात भएको थाहा भएको थियो ।
