भारतका चार राज्यमा विधानसभाका लागि भएको निर्वाचनको मतगणना आज बिहानदेखि सुरु भएको छ ।
आगामी वर्ष सन् २०२४ मा लोकसभाका लागि आमनिर्वाचन हुनुअघि सम्पन्न चार राज्यको विधानसभाको निर्वाचनले प्रधानमन्त्री मोदीको अग्निपरीक्षा लिने बताइएको छ ।
निर्वाचन पछि गरिएका सबैजसो मतसर्वेक्षणले चारै राज्यमा सत्तारुढ भारतीय जनता पार्टीलाई भारतीय राष्ट्रिय कङ्ग्रेस पार्टीले कडा टक्कर दिने देखाएका छन् ।
भारतीय राज्यहरु मध्यप्रदेश, राजस्थान, छत्तीसगढ र तेलङ्गानामा राज्य विधानसभाका लागि चरणबद्ध निर्वाचन भएको थियो ।
चुनावी मतसर्वेक्षणले मध्यप्रदेश बाहेक राजस्थान, छत्तीसगढ र तेलङ्गानामा भाजपा हारको अवस्थामा छ भने मध्यप्रदेशमा पनि भाजपा कमजोर अवस्थामा रहेको देखाइएको छ ।
यी चारै राज्यमा विद्युतीय मतदान भएकाले आजै मतपरिणाम प्राप्त भइसक्ने अनुमान भारतीय सञ्चार माध्यमहरुले गरिरहेका छन् ।
