एजेन्सी । अष्ट्रेलियाविरुद्धको टी–२० सिरिजको पहिलो खेलमा भारत २ विकेटले विजयी भएको छ । टोलीले २० औं ओभरको अन्तिम बलमा ८ विकेट गुमाएर २०९ रनको लक्ष्य पुरा गरेको थियो ।
यो टी–मा अष्ट्रेलियाविरुद्ध भारतको सबैभन्दा ठूलो रन चेज हो । यसअघि सबैभन्दा सफल रन चेज २०२र४ थियो, जुन भारतले २०१३ मा राजकोटमा गरेको थियो ।
भारतका लागि कप्तान सूर्यकुमार यादवले ८० रन र इशान किशनले ५८ रनको इनिङ खेले । अन्तमा रिंकु सिंहले १४ बलमा २२ रन बनाए ।
विशाखापट्टनममा टस हारेर पहिले ब्याटिङ गरेको अस्ट्रेलियाले २० ओभरमा ३ विकेट गुमाएर २०८ रन बनाएको थियो । टोलीका तर्फबाट जोस इंग्लिसले पहिलो शतक प्रहार गरे । उनले आफ्नो टी–२० करियरको पहिलो शतक बनाए । इंग्लिसका अलावा स्टिभ स्मिथले ५२ रनको योगदान दिए । दुवैले ६६ बलमा १३० रनको साझेदारी गरे ।
भारतीय इनिङ्सको अन्तिम ४ ओभरमा अचम्मको प्रतिस्पर्धा देखियो । यी ओभरमा भारतीय टोलीले ३८ रन बनाएर खेल जित्यो भने अष्ट्रेलियाका बलरले ४ विकेट लिएर खेलमा रोमाञ्चकता थपे ।
अन्तिम ओभरमा भारतलाई जितका लागि ७ रन चाहिएको थियो तर टोली नोबलमा विजयी भएको थियो । यद्यपि, इनिङ्सको अन्तिम बलमा रिंकु सिंहले छक्का प्रहार गरे पनि नोबल भएका कारण उनको रन बन्यो । शान एबोटको यो ओभरमा ३ विकेट झरे ।
भारतका लागि प्रसिद्ध कृष्ण र रवि बिश्नोईले एक एक विकेट लिए । एक ब्याट्सम्यान रनआउट भए ।
