एजेन्सी । विश्वकप २०२३ को ३२ औँ खेल दक्षिण अफ्रिका र न्युजिल्यान्डबीच जारी छ । यो खेल पुणेको महाराष्ट्र क्रिकेट एसोसिएसन स्टेडियम (एमसीए) मा भइरहेको छ । दक्षिण अफ्रिका टस हारेर ब्याटिङ थालिरहेको छ ।
पहिले ब्याटिङ गरेको दक्षिण अफ्रिकाले ३८ ओभरमा एक विकेट गुमाएर २२३ रन बनाएको छ । क्विन्टन डी कक र रसी भान डर डुसेन क्रिजमा छन् । यी दुईबीच १५० भन्दा बढी साझेदारी भएको छ ।
डी ककले आफ्नो एकदिवसीय करियरको २१ औं शतक पूरा गरेका छन् । जारी विश्वकपमा उनको यो चौथो शतक हो । उनका चारै शतक यस विश्वकपमा बनेका छन् ।
उनी विश्वकपमा सबैभन्दा धेरै शतक बनाउने पहिलो दक्षिण अफ्रिकी बनेका छन् । यस्तै, उनी विश्वकपको एक सिजनमा ५०० भन्दा बढी रन बनाउने पहिलो दक्षिण अफ्रिकी ब्याट्सम्यान समेत बनेका छन् ।
