लुम्बिनी । भारतको प्रशिद्ध पतञ्जली योगपीठका अध्यक्ष आचार्य बालकृष्णले आज पाल्पाको बशन्तपुरस्थित कामाख्या देवीको मन्दिरमा पुगेर पूजा अर्चना गरेका छन् ।
करिब ४० वर्षपछि दसैँ मनाउन आफ्नो गृहजिल्ला स्याङ्जा आएका बालकृष्ण आज बिहान रुपन्देहीको बुटवल र पाल्पाको बशन्तपुर जोड्ने लुम्बिनी केबलकार चढेर बशन्तपुर पुगी त्यहाँस्थित कामाख्या भगवतीको मन्दिरमा पूजाअर्चना गरेका हुन् ।
त्यस अवसरमा उनले बशन्तपुर नेपालका मात्र नभएर भारतका र विशेषगरी भारतको उत्तर प्रदेशका नागरिकको पनि एक उत्कृष्ट पर्यटकीय गन्तव्य बन्ने बताएका थिए ।
उनी त्यहाँ पुग्दा नेपाल र भारतका पत्रकारहरु पनि सो मन्दिरमा पुगिसकेका थिए । उनलाई सो मन्दिरमा बुटबल केबलकारका अधिकारीहरुले स्वागत गरेका थिए ।
