काठमाडौं। केही दिनदेखि प्यालेस्टिनीको गाजा क्षेत्रमा इजरायलले गरेको कारबाहीबाट हजारौंको ज्यान गएकोप्रति मुस्लिम इत्तेहाद संगठन नेपालले चिन्ता व्यक्त गरेको छ ।
संगठनका अध्यक्ष ताज मोहम्मद मियाँद्वारा जारी विज्ञप्तिमा गाजा क्षेत्रमा भएका आक्रमणबाट हजारौं घाइते भएका तथा लाखौं मानिस बेघरबार भइसकेको अवस्थामा गाजाको एक अस्पतालमा भएको आक्रमण मानव अधिकारको गम्भीर उल्लंघन भएको जनाएको छ ।
गाजा भूमिमा रहेको अस्पतालमा भएको रकेट आक्रमणबाट निहत्था एवं निर्दोष मानिस, अबोध बालबालिका, स्वास्थ्यकर्मीको सामूहिक हत्या हुनु अक्षम्य अपराध हो, विज्ञप्तिमा भनिएको छ ।
संगठनले यस घटनाको भत्र्सना गर्दै नेपाल सरकार तथा राष्ट्रसंघ समक्ष यस कार्यको भत्र्सना गर्न जोडदार माग गरेको छ ।
