एजेन्सी । मैत्रीपूर्ण फुटबलमा जर्मनीले अमेरिकालाई पराजित गरेको छ । गएराति भएको खेलमा जर्मनीले अमेरिकालाई उसकै मैदानमा ३–१ गोलले पराजित गरेको हो ।
खेलको २७ औं मिनेटमा क्रिस्टियन पुलिसिचले गोल गर्दै अमेरिकालाई सुरुवाती अग्रता दिलाएका थिए । ३९ औं मिनेटमा इल्काए गुन्डोवानले गोल गर्दै जर्मनीलाई १–१ गोलको बराबरीमा ल्याए ।
त्यसपछि खेलको ५८ औं मिनेटमा निकलास फुल्कवर्गले र ६१ औं मिनेटमा जमाल मुसियालाले गोल गर्दै जर्मनीलाई ३–१ को जित दिलाए । जुलियन नागेल्स्म्यानले जर्मनीको प्रशिक्षकको जिम्मेवारी सम्हालेपछि उनको यो पहिलो जित हो ।
युरो २०२६ को आयोजक जर्मनी मैत्रीपूर्ण फुटबल खेल्न अमेरिका गएको हो ।
