काठमाडौं । नेकपा एमालेका अध्यक्ष केपी शर्मा ओलीले माधव नेपालहरू पार्टी एकताको पक्षमा नभएको बताउनु भएको छ ।
बालुवाटारमा बसेको एमाले महाधिवेशन आयोजक कमिटीको बैठकलाई सम्बोधन गर्दै प्रधानमन्त्री ओलीले भन्नुभयो पटक पटक कुरा भयो तर उहाँहरुमा पार्टी एकताबद्ध बनाउन कुनै पहल, महसूस र अनुभूति देखिएन ।
आफू पछाडी हटेर भएपनि एकताका लागी पहल गरेको जनाउदै ओलीले पुष्पकमल दाहाल र माधव नेपालहरुको महत्वाकांक्षाकै कारण कम्युनिष्ट पार्टी विभाजित हुन पुगेको दाबी गर्नुभयो ।
उहाले पार्टी खोस्ने ढंगले कोही आएको भए, त्यो सम्भभव नहुने भन्दै अहिले पनि केही व्यक्तिहरु अराजक ढंगले पार्टी कै नेताहरुविरूद्ध विष वमन गर्ने प्रवृत्ति प्रति आफू सचेत रहेको बताउनु भयो ।
