काठमाडौं । चीन सरकारले कोरोना रोकथाम र नियन्त्रणका लागी नेपाल सरकारलाई थप सामग्रीहरु उपलब्ध गराउने प्रतिबद्धता जनाएको छ । पराराष्ट्रमन्त्री प्रदिपकुमार ज्ञावली र चिनियाँ विदेशमन्त्री वाङ यी बीच भएको भर्चुयल छलफलमा क्रममा चिनियाँ विदेशमन्त्रीले नेपाललाई आवश्यक पर्ने स्वास्थ्य सामग्री उपलब्ध गराउने बचन दिनुभएको हो ।
माक्स , पिपिई तथा अक्सिजन सिलिण्डरहरु तत्काल सहयोग गर्ने चिनियाँ विदेशमन्त्रीले जानकारी गराउनु भएको थियो । यसै गरी नेपाल सरकार माग माग भएको ६० लाख डोज खोप मध्ये आठ लाख अनुदान स्वरुप प्राप्त भै सकेको बाकि खोप पनि सक्दो अनुदानमा वा सहुलियतमा दिने बचन चिनियाँ पक्षले दिएको छ ।
यसैबीच कोरोना महामारी नियन्त्रणबारे चीनले दक्षिण एसियाली मुलुकसँग सामूहिक छलफल गरेको छ । चिनियाँ विदेशमन्त्री वाङ यीले नेपाल, अफगानिस्तान, पाकिस्तान, श्रीलंका र बंगालेशका समकक्षीहरुसँग संग खोपको आपूर्ती र कोरोना नियन्त्रणका बारेमा समकक्षीहरुसँग भर्चुअल सम्वाद गर्नुभएको हो ।
