कास्की । गण्डकी प्रदेश सभामा सांसदहरूले कोरोना परीक्षण गर्न पाउने निर्णय भएसँगै प्रदेशसभाको बैठक नियमित भएको छ ।
सत्तारुढ दल नेकपा एमालेका सांसदहरूले सांसदहरूको कोरोना परीक्षण गर्न माग गरेपछि बैठक केहीबेर अबरुद्ध हुन पुगेको थियो ।
सांसदहरूको कोरोना परीक्षण र नतिजा आउन्जेलसम्मको अवधि कुर्दै भोलि दिउँसो १ बजेसम्मका लागि बैठक स्थगित गरिएको हो ।
आज बसेको कार्य व्यवस्था समितिको बैठकले साँझसम्म सबै सांसदको पीसीआर परीक्षण गर्ने, पोजिटिभ आएकाले सदनमा बोल्न नपाउने तर भोटिङ गर्न पाउने निर्णय गरिएको छ ।
सोमबार मुख्यमन्त्री पृथ्वीसुब्बा गुरुङविरुद्धको अविश्वास प्रस्ताव पेस गरिएको छ भने भोलि (बुधबार)को बैठकमा मतदानको कार्यसूची रहेको छ ।
