अहमदाबादः विराट कोहलीको कप्तानीमा रहेको रोयल च्यालेन्जर्स बैंगलोर (आरसिबी) ले इन्डियन प्रिमियर लिग (आइपिएल) को मंगलबारको खेलमा कमजोर शुरुआत गरेको छ ।
दिल्ली क्यापिटल्सले टस जितेर पहिले ब्याटिङका लागि आमन्त्रण गरेको आरसिबीका लागि ओपनिङमा कप्तान कोहली र देवदत्त पाडिकल मैदानमा उत्रेका थिए ।
तर कोहली व्यक्तिगत १२ रनमा अभेष खानको बलमा आउट भएका छन् भने पाडिकल ईशान्त शर्माको बलमा १७ रन बनाएर आउट भए । अर्थात् आरसिबीको ३० रन हुँदा २ विकेट गुमेको छ ।
अहिले क्रिजमा रजत पतिदर र ग्लेन म्याक्सवेल रहेका छन् ।
दिल्ली क्यापिटल्स हाल ८ अंकका साथ लिगमा दोस्रो स्थानमा छ भने आरसिबी पनि ८ अंककै साथ तेस्रो स्थानमा छ ।
लिगको अंक तालिका
१. सिएसके – ८ अंक
२. दिल्ली क्यापिटल्स – ८ अंक
३. आरसिबी – ८ अंक
४. मुम्बई इन्डियन्स – ४ अंक
५. केकेआर – ४ अंक
६. पंजाब किंग्स – ४ अंक
७. राजस्थान रोयल्स – ४ अंक
८. सनराइजर्स हैदराबाद – २ अंक
