काठमाडौं । भोली (बिहिबार)देखि काठमाडौं उपत्यकामा लागू निषेधाज्ञामा सञ्चार प्रतिष्ठानबाट जारी परिचयपत्रका आधारमा सञ्चारकर्मी र कर्मचारीले आवतजावत गर्न पाउने भएका छन् ।
सञ्चार प्रतिष्ठानमा कार्यरत पत्रकार एवं कर्मचारीलाई सम्बन्धित सञ्चारगृहको परिचयपत्रका आधारमा आवागमन गर्न पाउने व्यवस्था मिलाइएको हो ।
यसभन्दा पहिले सूचना विभागद्वारा जारी गरिएको प्रेस पास अनिवार्य भनिएको थियो । तर अब सञ्चारगृहकै परिचयपत्रका आधारमा सञ्चारकर्मीले समाचार संकलन र कार्यालय आवतजावत गर्न पाउने भएका छन् ।
