काठमाडौं । आइसिसी महिला टि-२० विश्वकप एसिया क्षेत्र छनोट अन्तर्गत आज नेपालले घरेलु टोली मलेसियासँग खेल्दैछ । मलेसियको कलालाम्पुरस्थित बायुमास ओभलमा हुन लागेको खेल नेपाली समयअनुसार बिहान ७: १५ बजेबाट सुरु हुनेछ ।
प्रतियोगितामा समूह ए मा नेपालसँगै बहरान, भुटान, मलेसिया, कतार र युएई रहेका छन् । समूह बी मा चीन, हङकङ, थाईल्यान्ड, कुवेत र म्यानमार छन् । प्रतियोगितामा दुबै समुहका शीर्ष दुई टोलीले सेमिफाइनलमा स्थान बनाउनेछन् । फाइनलमा पुग्ने दुई टोलीले भने २०२४ मा हुने ग्लोबल टि-२० क्वालिफायर खेल्न पाउनेछन् ।
घरेलु टोली मलेसियालाई हराउँदै नेपाल विश्वकप छनोटमा विजयी सुरुवात गर्न चाहन्छ । अघिल्लो साता भएको चार देश सम्मिलित महिला टि-२० आई सिरिजमा नेपाल मलेसियासँग ६ विकेटले पराजित भएको थियो ।
नेपालको टोली:
रुविना क्षेत्री (कप्तान), सीता रानामगर, इन्दु बर्मा, विन्दु रावल, कविता कुँवर, कविता जोशी, पुजा महतो, सम्झना खड्का, ईश्वरी विष्ट, काजोल श्रेष्ठ, रुवी पोदार, अप्सरी बेगम, अश्मिना कर्माचार्य र खुशी डंगोल ।
