काठमाडौं: विश्वकप महिला फुटबल अन्तर्गत आज अस्ट्रेलियाको मेलबोर्नमा सम्पन्न खेलमा डिफेन्डिङ च्याम्पियन संयुक्तराज्य अमेरिका पराजित भएको छ ।
संयुक्तराज्य अमेरिका स्वीडेनसँग पेनाल्टी सुटआउटमा पराजित भएको हो । निर्धारित ९० मिनेट र त्यसपछि थपिएको ३० मिनेटको खेलमा पनि दुबै टिमबाट गोल हुन नसकेपछि खेल पेनाल्टीमा पुगेको थियो ।
पेनाल्टी सुटआउटमा स्वीडेनले ५–४ गोल अन्तरले खेल जितेको हो । पहिलो पाँच सुटआउटमा ३–३ गोल भएको थियो । तर अन्तिम बलमा स्वीडेनकी लिना हर्टिगले गरेको गोल भार (तेस्रो अम्पायर) ले स्वीकृत गरेपछि स्वीडेन विजयी भयो ।
संयुक्तराज्य अमेरिकाका तीन खेलाडीले पेनाल्टीमा गोल गर्न सकेका थिएनन् भने स्वीडेनका दुई खेलाडी असफल भएका थिए । यो जितसँगै स्वीडेन भने क्वाटरफाइनलमा प्रवेश गरेको छ ।
यो हारसँगै लगातार दोस्रो पटक विश्वकप जित्ने अमेरिकाको सपना चकनाचुर भएको छ ।
यसअघि आजै भएको पहिलो खेलमा नेदरल्यान्ड्सले दक्षिण अफ्रिकालाई पराजित गरेको थियो । एजेन्सी
