काठमाडौँ । पूर्व भारतीय क्रिकेटर देवीका पाल्सिकर नेपाली राष्ट्रिय महिला क्रिकेट टोलीको ब्याटिङ प्रशिक्षकमा नियुक्त भएकी छिन्।
नेपाल क्रिकेट संघ (क्यान) ले ४४ वर्षीया पालशिकरलाई नेपालको सिनियर राष्ट्रिय महिला टोलीको ब्याटिङ प्रशिक्षकमा नियुक्त गरेको हो ।
पालशिकर नेपालको राष्ट्रिय महिला क्रिकेट टोलीको प्रशिक्षकका रुपमा नियुक्त हुने पहिलो विदेशी हुन् । अलराउन्डर पाल्सिकरले भारतको सिनियर राष्ट्रिय टोलीबाट टेस्ट र एकदिवसीय दुबै प्रतियोगिता खेलेकी छन् ।
पछिल्लो १० वर्षयता प्रशिक्षकको भूमिकामा सक्रिय रहेकी पालशिकरको ब्याटिङ प्रशिक्षकमा नेपाली खेलाडीको क्षमता अभबृद्धिमा मद्दत पुग्ने क्यानले विश्वास लिएको छ ।
पछिल्लो समय नेपालले टी–२० विश्वकपको एसियाली छनोटको तयारी गरिरहेको छ। अगस्त २८ देखि सेप्टेम्बर ६ तारिखसम्म मलेसियामा आयोजना हुने उक्त प्रतियोगितामा नेपालसहित ११ राष्ट्रको सहभागिता रहने छ ।
