एजेन्सी । ‘विक्रम’ को सफलतापछि साउथ सुपरस्टार कमल हसनको करियर एकपटक फेरि उकालो लागेको छ ।
कमल हालै प्रभास, दीपिका पादुकोण र अमिताभ बच्चन स्टारर फिल्म ‘कल्की २८९८ एडी’ को टिममा सामेल भएका छ न्। यसबाहेक उनी शंकरको निर्देशनमा बन्ने फिल्म ‘इन्डियन २’ मा पनि देखिनेछन् ।
यस फिल्मसँग सम्बन्धित पछिल्लो अपडेट यो हो कि नेटफ्लिक्सले यसको डिजिटल अधिकार लगभग २०० करोड रुपैयाँमा खरिद गरेको छ । यी अधिकारहरू सबै भाषाहरूको हो ।
फिल्मसँग सम्बन्धित स्रोतले ई टाइम्सलाई भन्यो, ‘शंकरले इन्डियन २ मा उत्कृष्ट काम गरेका छन् । फिल्मको केही अंश हेरेकाहरु नतिजाबाट निकै खुसी छन् ।’
रिपोर्टमा विश्वास गर्ने हो भने यो फिल्मको पहिलो भाग जहाँ समाप्त भएको थियो त्यहीँबाट सुरु हुनेछ । यसको मतलब इन्डियन २ मा कमलको क्यारेक्टर ९० वर्षको बृद्धको हुनेछ ।
फिल्ममा कमललाई यो लुक दिन मेकअप आर्टिस्टले निकै मिहिनेत गरेका छन् । यसका लागि कमललाई मेकअप गर्न ४ घण्टा लागेको थियो भने त्यसलाई हटाउन दुई घण्टा लागेको थियो ।
‘इन्डियन २’ सन् १९९६ मा रिलिज भएको कमलको आफ्नै फिल्म ‘हिन्दुस्तानी’ (इन्डियन) को सिक्वेल हो । फिल्मको सिक्वेलमा निर्देशक शंकरको कामबाट कमल यति खुसी छन् कि उनले निर्देशकलाई जुनमा ८ लाख रुपैयाँको घडी उपहार दिएका थिए ।
