काठमाडौँ । अभिनेत्री साम्राज्ञी शाहविरुद्ध अभिनेता भुवन केसीले दायर गरेको बेइज्जतीसम्बन्धी मुद्दाको सुनुवाइ कामठाडौँ जिल्ला अदालतका न्यायाधीश वासुदेव पौडेलको इजलासमा हुँदैछ ।
करिब ३ वर्षअघि बलिउडका दिवंगत अभिनेता सुशान्तसिंह राजपुतको निधनको पृष्ठभूमिमा चलेको नेपोटिजमको बहसमा साम्राज्ञी र भुवनको यस्तो विवाद चर्किएको थियो ।
साम्राज्ञीले आफूमाथि भुवनले शोषण र दुर्व्यवहार गरेको भन्दै आरोप लगाएकी थिइन् । प्रतिक्रियास्वरुप भुवनले पनि साम्राज्ञीलाई ‘जुन थालमा खायो, त्यही थालमा दुलो पारेको’ भन्दै आक्रोशित जवाफ दिएका थिए ।
त्यतिबेला साम्राज्ञीले ‘मानहानी’ भएको बताएकी थिइन् भने भुवनले पनि विसं २०७७ साउन ९ गते १० करोड रुपैयाँ क्षतिपूर्ति माग्दै साम्राज्ञीविरुद्ध मानहानीको मुद्दा दायर गरेका थिए ।
