एजेन्सी
अमेरिकी राष्ट्रपति जो बाइडेनले आफ्ना चिनियाँ समकक्षी सी जिनपिङसँग शुक्रबार बिहान ९ बजे पूर्वी समय (जीएमटी १३ः०० बजे) मा कुरा गर्ने भएका छन् । बाइडेनले बेइजिङले रुसलाई कडा पश्चिमी प्रतिबन्धहरूबाट बचाउन खोजे उसले त्यसको ‘मूल्य’ चुकाउनुपर्ने चेतावनी दिएका छन् ।
रूसले शुक्रबारका लागि तय गरिएको युक्रेनमा ‘मानवीय’ प्रस्तावमा संयुक्त राष्ट्र सुरक्षा परिषद्को मतदान रद्द गर्यो । चीन र भारतबाट मस्यौदा पाठको सह–प्रायोजन सुरक्षित गर्न असफल भएपछि रुसले मतदान रद्द गरेको हो । कूटनीतिज्ञहरुका अनुसार बेइजिङ र नयाँ दिल्ली दुवैले मस्यौदालाई समर्थन नगर्ने सुझाव दिएका थिए ।
अमेरिकी विदेशमन्त्री एन्टोनी ब्लिन्केनले युक्रेनमा युद्ध अपराध भएकामा राष्ट्रपति जो बाइडेनसँग आफू भएको सहमत बताएका छन्।
युरोपेली सङ्घको विदेश नीति प्रमुख जोसेप बोरेलले युक्रेनमा रूसले गरेको ‘गम्भीर उल्लङ्घन र युद्ध अपराध’ को निन्दा गरेका छन् ।
सयौँ मानिस युद्धबाट आश्रय लिएका भवनमा एक शक्तिशाली रुसी हवाई हमला भएको युक्रेनले बताएपछि उद्धारकर्मीहरूले बिहीबार घेरामा परेको शहर मारिउपोलको एउटा थिएटरको भग्नावशेषमा बाँचेकाहरूलाई खोजिरहेका थिए । मृतकको सङ्ख्या अझै अज्ञात छ।
बिहीबार जर्मन संसद्मा एक भावनात्मक भिडियो सम्बोधनमा युक्रेनी राष्ट्रपति भोलोडिमिर जेलेन्स्कीले जर्मनीलाई रुसले ‘स्वतन्त्र र मुक्त’ युरोप बीच निर्माण गरिरहेको नयाँ ‘पर्खाल’ भत्काउन आह्वान गरे ।
क्रेमलिनले बिहीबार युक्रेन आक्रमण रोक्नको लागि शीर्ष संयुक्त राष्ट्र सङ्घीय अदालतको आदेशलाई अस्वीकार गर्यो। द हेगको फैसलामा अन्तर्राष्ट्रिय न्यायालयले ‘तत्काल’ निलम्बन गर्न आह्वान गर्यो। क्रेमलिनका प्रवक्ताले भने, “रूसले यो निर्णयलाई ध्यानमा राख्न सक्दैन।”
युएनएचसीआरले बिहीबार फेब्रुअरी २४ मा युद्ध सुरु भएदेखि लगभग ३२ लाख युक्रेनीहरू सीमापारि भागेका छन् । यो अघिल्लो दिनको तुलनामा एक लाखभन्दा बढीले बढेको छ। संयुक्त राष्ट्र बाल एजेन्सीले भागेका करिब आधा बालबालिका रहेको बताएको छ।
