एजेन्सी । बलिउड अभिनेत्री कृतिले सेनन अब निर्माताको रुपमा आफ्नो करियर सुरु गर्न लागेकी छिन् । यसबारे जुलाई ४ मा आधिकारिक घोषणा गर्दै अभिनेत्रीले आफ्नो प्रोडक्सन हाउसको नाम खुलाएकी छिन् ।
कृतिले आफ्नो प्रोडक्सन हाउसको टिजर इन्स्टाग्राममा सेयर गर्दै निकै भावुक पोस्ट लेखेकी छिन् । उनले यो नयाँ सुरुवातका लागि आफू निकै उत्साहित रहेको बताइन् ।
कृतिले इन्स्टाग्राम पोस्टमा लेखेकी छिन्– ‘अब गियर परिवर्तन गर्ने समय आएको छ । म यस जादुई एन्डस्ट्रीमा ९ वर्षदेखि मेरो सपनास्वरुप बाँचिरहेको छु । मैले स–साना कदम चालेँ, सिकेँ, आफूलाई विकास गरेँ र कुराहरू सिकेर आज अभिनेत्री बनेकी छु । मलाई फिल्म निर्माणको हरेक पक्ष मन पर्छ ।’
कृतिले थप लेखेकी छिन्– ‘अब धेरै काम गर्ने, अझ राम्रो बन्ने र धेरै सिक्ने र मेरो र तपाईंको मन छुने कथाहरू सुनाउने समय आएको छ । त्यहाँ निरन्तर विकास र आफ्नो सबैभन्दा सुन्दर संस्करण खोज्न आवश्यक छ । अन्ततः मन र ठूलो सपनाको साथ ‘ब्लू बटरफ्लाइ फिल्म्स’ सुरु गर्न धेरै उत्साहित छु । भोलि केही विशेष घोषणा गर्दै । मसँग जोडिनुहोस् ।’
‘आदिपुरुष’ कृति सेननको करियरको सबैभन्दा विवादित फिल्म थियो । जहाँ रिलिजदेखि नै प्रभास–कृतिसहित सबै कलाकारलाई नराम्रोसँग ट्रोल गरिएको थियो । जुन १६ देखि अहिलेसम्म फिल्मको विवाद जारी छ । फिल्मलाई लिएर जनतामा अझै आक्रोश छ । मुद्दा अदालतसम्म पनि पुगेको छ । विवादका बीच कृतिकी आमा गीता उनको समर्थनमा आइन् । तर, उनले पनि ट्रोलिङको सामना गर्नु परेको छ ।
