काठमाडौँ । पूर्व संस्कृति, पर्यटन तथा नागरिक उड्डयनमन्त्री योगेशकुमार भट्टराईले नेपाल वायुसेवा निगममा नयाँ कर्मचारी भर्ती गर्नु नेपाल आमाको रगत खाएजस्तै भएको बताउनुभएको छ ।
नेकपा ९एमाले० का सांसद भट्टराईले आर्थिक भारले थला पर्न लागेको निमगमा अहिलेका सरकार र मन्त्रीले कर्मचारी भर्ना गरिरहेको आरोप लगाउनुभयो । उहाँले निगममा थप कर्मचारी भर्ना गर्नु नेपाल आमाको रगत खाएजस्तै हुने टिप्पणी गर्नुभयो ।
निजी क्षेत्रका विमान कम्पनीले १६ वटा जहाज उडाउँदा ११ सय कर्मचारीले भ्याउने गरेको भन्दै उहाँले निगमका ४ वटा जहाज उडाउन ३ हजार बढी कर्मचारी रहेको उल्लेख गर्नुभयो ।
“एमालेले सरकार चलाएको बेलामा एक जना पनि कर्मचारी थप भएको थिएन”, पूर्वमन्त्री भट्टराईले भन्नुभयो, “त्यसपछि सयौं कर्मचारी वायुसेवा निगममा भर्ती गरिँदै छ किन रु त्यसलाई सोमलियाकी आमा जस्तो बनाउने हो रु जुन आमाको दुध आउँदैन । आमाको दुध चुसिराख्ने रु त्यो आमाको रगत चुसे जस्तै हो । नेपाल वायुसेवा निगममा नयाँ कर्मचारी भर्ती गर्नु भनेको नेपाल आमाको रगत खानु जस्तै हो । आज त्यस्तै भइरहेको छ ।”
उड्डयन प्राधिकरणले ग्राउण्ड ह्याण्डलिङको जिम्म अन्य कम्पनीलाई दिए वायुसेवा निगम थला पर्ने उहाँको भनाइ थियो । उहाँका अनुसार वायुसेवा निगमका कर्मचारीले तलव खाने मुख्य स्रोत नै ग्राउण्ड ह्याण्डलिङ हो । उहाँले हवाई उडानबाट निगमलाई नाफा नभएको बताउनुभयो ।
एमालेको सरकारको पालामा सर्वसाधारणले समेत शेयर पाउने गरी पब्लिक कम्पनीमा लानुपर्छ भन्ने निष्कर्ष निकालिएको तर निजीकरण गर्यो भनेर काम गर्न नदिइएको उहाँले आरोप लगाउनुभयो ।
त्रिभुवन अन्तर्राष्ट्रिय विमानस्थलले वार्षिक ८५ लाख यात्रुहरुलाई सेवा दिइरहेको भन्दै विमानस्थलको क्षमता अधितकम ९० लाख रहेको उहाँले बताउनुभयो । त्रिभुवन अन्तर्राष्ट्रिय विमानस्थलको विकल्प निजगढ अन्तर्राष्ट्रिय विमानस्थल भन्दा अरु हुन नसक्ने उहाँको भनाइ थियो ।
