एजेन्सी । तमिलनाडु प्रिमियर लिगको खेलमा अन्तिम ओभरको अन्तिम बलमा १८ रन बनेको छ । सलेम स्पार्टन्स र चेपौक सुपर गिलिजबीच भएको खेलमा सलेम स्पार्टन्सले पहिले फिल्डिङ गर्दै थियो ।
टोलीका कप्तान अभिषेक तन्वर अन्तिम ओभर गर्दै थिए । ओभरको ५ बलमा ८ रन मात्र बन्यो । चेपौक सुपर गिलिजले ५ विकेटमा १९१ रन बनाएको थियो । अन्तिम बलमा सञ्जय यादव स्ट्राइक एन्डमा थिए ।
एक बल बलिङ गर्न तन्वरले ५ बल बलिङ गरे । त्यसमा ३ नो बल र १ वाइड थियो । नो बलमा छक्का र एकमा दुई रन पूरा भयो । अभिषेकले सही बलमा बलिङ गर्दा सञ्जय यादवले उनलाई छक्का प्रहार गरे । यसरी एक बलमा कूल १८ रन बन्यो भने ओभरमा २६ रन बन्यो ।
अन्तिम ओभरको अन्तिम बलमा के भयो ?
१९.६ तन्वरले योर्कर प्रहार गरे, सञ्जय आउट भए । तर, अम्पायरले नो बल दिए ।
१९.६ तन्वरले फुल टस बल बलिङ गरे । सञ्जयले छक्का प्रहार गरे । अम्पायरले यसलाई पनि नो बल दिए ।
१९.६ तन्वरले फेरि योर्कर गरे । सञ्जयले दुई रन बनाए । अम्पायरले यसलाई समेत नो बल दिए ।
१९.६ तन्वरले वाइड बलिङ गरे ।
१९.६ तन्वरले योर्कर प्रहार गरे, सञ्जयले छक्का प्रहार गरे ।
यसअघि मेलबर्न स्टार्स र होबर्ट हरिकेन्सबीचको २०१२–१३ बिग ब्यासको खेलमा क्लिन्ट म्याकोयले एक बलमा १४ रन दिएका थिए । यस खेलमा मेलबर्न स्टार्सले पहिले ब्याटिङ गर्दै ३ विकेट गुमाएर २०३ रन बनाएको थियो । यससँगै होबार्ट हरिकेन्सले पछि ब्याटिङ गर्दै ९ विकेट गुमाएर १८४ रन बनाएको थियो । होबार्ट हरिकेन्सको इनिङ्समा मेलबर्न स्टार्सका लागि क्लिन्ट म्याकोयले ५ औं ओभर गरेका थिए । ओभरको पाँचौं बलमा १४ रन बनेका थिए ।
