एजेन्सी । ज्याकी श्राफले हालै एक अन्तर्वार्तामा आफ्ना विगतका दिनहरू सम्झाए । ३८ जनाले जम्मा ३ वटा साझा शौचालय मात्र चलाउने गरेको ठाउँमा उनी बस्थे ।
तर, जब ज्याकीका फिल्महरू सुपरहिट भए र उनी चर्चित नायक बने, त्यहाँका मानिसहरूले उनलाई एउटा निजी शौचालय दिए जुन ज्याकीले मात्र प्रयोग गर्थे ।
मुकेश खन्नालाई दिएको एक अन्तर्वार्तामा ज्याकीले सुरुका दिनहरूबारे भने, ‘जब निर्माताहरू मलाई मेरो घरमा भेट्न आउनुहुन्थ्यो, हामीले ठाउँ बनाउनुपर्थ्यो । हामी दुईवटा बाकसहरू एकसाथ राखेर उनीहरूलाई बस्ने ठाउँ बनाइदिन्थ्यौं र एउटा बाकसलाई टेबुलको रूपमा प्रयोग गर्थ्यौं । त्यहाँ बस्दा अगाडि मरिन ड्राइभ, पछाडि मेरो घर र छेउमा मेरो बाथरुम देख्थे ।
ज्याकीले थपे, ‘हामीसँग ७ कोठा र ३ वटा शौचालय थिए । यी खोलीमा जम्मा ३८ जना बस्थे । बिहानैदेखि शौचालय जान लाइनमा बस्नुपरेको थियो । मलाई सुटिङमा जान हतार हुन्थ्यो तर पर्खनुको विकल्प थिएन । पछि जब मेरा फिल्महरू हिट भए, उनीहरूले मलाई निजी शौचालय दिए । यसो गर्नाले अरु सबैको कष्ट झन् बढ्छ भनेर मैले पर्दैन पनि भनेँ । तर सबैले तिमी हाम्रो नायक हो भन्दै मलाई निजी शौचालय दिए ।
