काठमाडौं । उपप्रधान तथा गृहमन्त्री नारायणकाजी श्रेष्ठले पहिचानवादीको आन्दोलनको नाममा केही अराजक र असंवैधानिक गतिविधिहरु भए कसैलाई छुट नहुने बताएका छन् ।
शुक्रबार प्रतिनिधिसभाको बैठकमा एमाले नेताहरुमाथि पहिचानवादीहरुले गरेको आक्रमणको बिषयमा उठेको प्रश्नको जवाफ दिँदै गृहमन्त्री श्रेष्ठले यस्तो बताएका हुन् ।
गृहमन्त्री श्रेष्ठले अराजक घटना निम्त्याउनेहरुलाई कारवाही दायरामा ल्याएको पनि बताए। उनले भने, ‘विविध पक्षको प्रकार संस्था र संगठन छन्। जसले पहिचानको पक्षधर भएको बताउँदै आन्दोलनको कार्यक्रम घोषणा गरेका छन्। हामी संविधान लोकतान्त्र र शान्तिपूर्ण बाटोलाई सुनिश्चिता गर्न चाहन्छौं। संघीयता होस् वा कोशी प्रदेशको वैचारिक विरोध गर्नु वा फरक दृष्टिकारण राख्नु, अर्को नामको पक्षमा जनधर खडा गर्न पाउँछन्।’
उनले अहिले सबैको सुरक्षा र वार्ताबाट समस्याको समाधानको पहल भइरहेको र अराजक गतिविधिलाई सरकारले छुट नदिने कुरा आन्दोलनकारिलाई पहिले नै अवागत गराईसकेको जनाए ।
