• १६ चैत्र २०८०, शुक्रबार
  •      Fri Mar 29 2024
  •   Unicode
Logo
Latest
★   नेविसंघद्वारा सरकारविरुद्ध सडकमै हवन गरेर बिरोध ★   सीमा क्षेत्रका बासिन्दाले भोग्नुपरेका समस्या समाधान गर्न उपप्रधानमन्त्री श्रेष्ठको आग्रह ★   एकीकृत समाजवादीः बागमती प्रदेशका पाँच जिल्ला अधिवेशन सम्पन्न ★   राष्ट्रपतिद्वारा विधेयक प्रमाणीकरण ★   अर्थराजनीतिक दृष्टिकोणमा आधारित परराष्ट्र नीति नेपालको प्राथमिकताः डा सापकोटा ★   बङ्गलादेशी नागरिकलाई नेपाल ल्याई बन्धक बनाउने पक्राउ ★   अर्थमन्त्री वर्षमान पुनले गरे बजेट लेखन समिति गठन ★   मन्त्रिपरिषद् बैठकः सरकारद्वारा तथ्यांक नियमावली २०८० लाई स्वीकृत, यस्ता छन् अन्य निर्णयहरु ★   विज्ञान र प्रविधिको क्षेत्रमा पहुँच पुर्‍याउने शिक्षा अध्यापन गराउनुपर्छः पूर्वराष्ट्रपति भण्डारी ★   सुदूरपश्चिम सरकार छाड्न नाउपा अध्यक्ष रञ्जिताद्वारा लिखित निर्देशन

लग्जरी कारभन्दा महँगा छन् यी भैंसीहरु



एजेन्सी । छिमेकी राष्ट्र भारतको पशुपालन क्षेत्रमा तीव्र वृद्धि भएको छ । मानिसहरूले उच्च जातका गाई र भैंसी ठूला मात्रामा पाल्न थालेका छन् । मुर्रा नस्लका भैंसीहरू पनि उनीहरूको उच्च दूध उत्पादनका कारण किसानहरूमाझ लोकप्रिय हुँदै गएका छन् । भैंसी पालन सुरु गर्न कृषकलाई भारत सरकारले अनुदान पनि दिन्छ ।

भारतमा कतिपय भैंसी छन् जो दूध उत्पादन क्षमताका कारण लोकप्रिय छन् । तीमध्ये सरस्वती, रेश्मा र गंगा नामका तीन भैँसी प्रमुख छन् ।

यी भैंसीको नाममा विभिन्न वर्षमा सबैभन्दा बढी दूध दिने कीर्तिमान पनि छ । विशेष कुरा के छ भने यी तीन भैँसीका मालिक हिसारका बासिन्दा हुन् । यसबाहेक यी भैंसीको मूल्य सुनेर तपाई पनि छक्क पर्नुहुनेछ ।

हरियाणाको हिसारको लितानीका सुखवीरको सरस्वती नामको भैँसी छ । यो भैंसी पनि मुर्रा जातको हो । दूध उत्पादन क्षमताका कारण सरस्वती मानिसमा लोकप्रिय छ । यो भैंसीले सन् २०१९ मा ३३ किलो दूध दिएर कीर्तिमान बनाएको थियो । सरस्वती भैंसीको दूध निकाल्न दुई जनाले संघर्ष गर्नुपरेको थियो । यो भैंसीको मूल्य ५१ लाख रुपैयाँ (भारु) रहेको बताइएको छ ।

हिसारको बुढाखेडाका नरेशको मुर्रा जातको रेश्मा भैंसीले सन् २०२२ मा ३३.८ लिटर दूध दिएर राष्ट्रिय कीर्तिमान बनाएकी छिन् । यो भैंसी भारतमा सबैभन्दा धेरै दूध दिने भैंसी हो । रेश्माले पहिलो पटक बच्चा जन्माउँदा १९–२० लिटर दूध दिएकी थिइन् । दोस्रो पटक ३० लिटर दूध दिइन् । तेस्रो पटक आमा बनेपछि रेश्माले ३३ दशमलव ८ लिटर दूध लिएर नयाँ कीर्तिमान बनाएकी हुन् ।

रेश्माको दूध निकाल्न दुई जनाले संघर्ष गर्नुपरेको छ । यो भैँसीको मूल्य ४५ लाख रुपैयाँ (भारु) रहेको बताइएको छ ।

गंगा नामको मुर्रा भैंसी यतिबेला चर्चामा छ । यो भैसीले एक दिनमा ३१ लिटर दूध दिएर यो वर्ष नयाँ कीर्तिमान बनाएको छ । यसअघि पनि यो भैंसीले धेरै कीर्तिमान आफ्नो नाममा दर्ता गरिसकेको छ । यो भैँसीको मूल्य १५ लाख रुपैयाँ (भारु) तोकिएको छ ।