एजेन्सी । दिवंगत अभिनेता सुशान्तसिंह राजपुतको निधनपछि अभिनेत्री रिया चक्रवर्ती निकै विवादमा परिन् ।
उनै रिया ‘द टाइम्स ५० मोस्ट डिजाइरेबल वुमेन २०२०’मा शीर्ष स्थानमा पर्न सफल भएकी छन् ।
उक्त सूचीमा पछिल्लो एक वर्षमा राम्रो काम गरेका र दर्शकहरुको मन जित्न सफल भएकाहरुलाई सामेल गरिएको छ ।
रिया चक्रवर्तीले दीपिका पादुकोण, दिशा पटानी, क्याट्रिना कैफलगायतलाई समेत पछि पार्दै ‘द टाइम्स ५० मोस्ट डिजाइरेबल वुमेन २०२०’को टपमा पर्न सफल भएकी हुन् ।
दोस्रो नम्बरमा मिस युनिभर्स २०२०को तेस्रो रनर अप एडलीन कैस्टोलिनो रहेका छन् । त्यस्तै, दिशा पटानी तेस्रो, कियरा आडवाणी चौथो, दीपिका पादुकोण पाँचौं र क्याट्रिना कैफ छैटौं नम्बरमा रहेका छन् ।
यसका साथै, ज्याकलीन फर्नाडिज सातौं, अनुप्रिया गोयंका आठौं, रुही सिंह नवौं र आव्रिति चौधरी दशौं नम्बरमा पर्न सफल भएका छन् । यस लिस्टको पहिलो नम्बरमा रहेकी रिया चक्रवर्ती पछिल्लो समय निकै चर्चामा थिइन् ।
नकारात्मक विषयलाई लिएर रिया चक्रवर्तीको बारेमा समाचारहरु छापिएका थिए । साथै रियाले ड्रग्स केसमा जेल समेत जानुपरेको थियो ।
